

D1943

།འདི་ཡིས་དགེ་ཐོབ་ཐམས་ཅད་གྲོལ་གྱུར་ཤོག་།རྡོ་རྗེ་མཁའ་འགྲོ་རྣལ་འབྱོར་མའི་སྒྲུབ་ཐབས་སློབ་དཔོན་མར་མེ་མཛད་ཀྱིས་མཛད་པ་རྫོགས་སོ།།[་]@#། །རྒྱ་གར་སྐད་དུ། བཛྲ་གཱི་ཏི་སུ་ཁ་ར་ད་སཱ་དྷ་ནཾ་ནཱ་མ། བོད་སྐད་དུ། རྡོ་རྗེ་བདེ་རྒྱས་དབྱངས་ཅན་མའི་སྒྲུབ་ཐབས་ ཞེས་བྱ་བ།།དཔལ་རྡོ་རྗེ་སེམས་དཔའ་ཕྱག་འཚལ་ལོ། །ཤེས་རབ་ཕ་རོལ་ཕྱིན་པ་རྒྱལ་བ་ཀུན་གྱི་ཡུམ། །དྲི་མ་མེད་པའི་གསུང་ཆེན་རྡོ་རྗེ་དབྱངས་ཅན་མ། །བཏུད་དེ་སངས་རྒྱས་བདེ་ཆེན་རབ་ཏུ་འཕེལ་བྱའི་ཕྱིར། །གསུང་གི་པདྨ་དྲི་མ་མེད་པའི་སྒྲུབ་ཐབས་བཤད། །ནགས་ཚལ་མི་མེད་དབེན་ པའི་གནས།།ཉམས་དགའ་བཀྲ་ཤིས་དང་བ་རུ། །འཇམ་པའི་སྟན་ལ་འདུག་ནས་ནི། །ཆུ་བུར་ལྟ་བུའི་ཚུལ་གྱིས་བསྒོམས་། །སེམས་ཅན་ཀུན་དོན་ལེགས་བྱས་ནས། །དམ་པའི་འཁོར་ལོ་བསྒོམ་པར་བྱ། །ཕྱག་འཚལ་བསྟོད་དང་བཤགས་པ་དང་། །རྗེས་སུ་ཡི་རང་བསྐུལ་ གསོལ་གདབ།།བསྔོ་དང་སྨོན་ལམ་བཏབ་བྱས་ནས། །ཡིད་ཀྱིས་གཤེགས་གསོལ་ཚད་མེད་བཞི། །སྔོན་འགྲོ་སྟོང་པ་བསྒོམ་པར་བྱ། །སྲུང་བའི་འཁོར་ལོ་འཇིགས་ཆེན་པོ། །མཚོན་ཆ་འཁྲུག་པ་ཤིན་ཏུ་བསྒོམ། །པདྨ་ཟླ་བའི་སྟེང་ཉིད་དུ། །བྱུ་རུ་བཅག་འདྲའི་དོ་དག་ལས། །ཆུ་སྐྱེས་ འདབ་བརྒྱད་མཚན་མར་ལྡན།།འཕྲོས་ནས་བསྡུ་བ་བྱ་བ་ནི། །རིགས་ཀྱི་འཁོར་ལོ་མ་ལུས་པའོ། །ོཾ་བཛྲ་རཱ་ག་ར་ཏི་ཨཱཏྨ་ཀོུ྅་ཧ། གྱུར་པས་པདྨ་རཱ་གའི་མདོག། །ཞལ་གསུམ་གཡས་གཡོན་སྔོ་དང་དཀར། །ཕྱག་དྲུག་གྲི་གུག་པདྨ་དང་། །རལ་གྲི་ཐོད་པ་འཁོར་ལོ་དང་། །ནོར་བུ་ཡིས་ན ཨི་ཤིན་ཏུ་མཛེས།།དབུ་ལ་ཐོད་པ་ལྔས་བསྐོར་ཞིང་། །རློན་པ་བརྒྱ་ཕྱེད་ཕྲེང་བར་ལྡན། །རིན་ཆེན་ཀླུ་དང་རུས་པས་སྤྲས། །ཤིན་ཏུ་ཞི་ཞིང་སྒེག་པ་སྟེ། །སྟག་ལྤགས་བསྣམས་ནས་མེ་དཔུང་དཀྱིལ། ། གཡོན་བསྐུམ་གཡས་པ་བརྐྱང་བས་གནས། །ོཾ་དྷརྨ་དྷཱ་ཏུ་སྭ་བྷཱ་ཝ་ཨཱཏྨ་ཀོུ྅་ཧཾ། ཧཱུཾ་ལ ཨས་ཐུགས་ཀྱི་རྡོ་རྗེ་སྟེ།།ཱཿ་ལས་གསུང་དང་ཨོཾ་ལས་སྐུ། །ཀྵིཾ་ལས་ས་སྙིང་རྡོ་རྗེ་སྙིང་རྗེ་མིག་།ཛིཾ་ལས་རྡོ་རྗེ་ཅན་རྣ་བར། །ཁཾ་ལས་ནམ་མཁའི་སྙིང་པོ་སྣར། །གཾ་ལས་འཇིག་རྟེན་དབང་ཕྱུག་ལྕེར། །ཀཾ་ལས་སྒྲིབ་པ་རྣམ་སེལ་ལུས། །སཾ་ལས་ཀུན་དུ་བཟང་པོ་ཡིད། །རིག་པའི་དབང་བསྐུར་ གཤིན་རྗེ་གཤེད།།དགུག་གཞུག་བཅིང་དང་དབང་དུ་བྱ། །མཆོད་པ་བྷ་གའི་བྱང་ཆུབ་སེམས། །རྡོ་རྗེ་གསུང་གི་ཡེ་ཤེས་ཆེ། །པདྨ་ཤེས་རབ་ཕ་རོལ་ཕྱིན། །འདོད་ཆགས་ཆེན་པོ་ཉིད་སྦྱོར་བ། །རྡོ་རྗེ་མཐར་མཛད་ཁྱོད་ལ་བསྟོད། །རྡོ་རྗེ་སྦུ་གུས་བདུད་རྩི་མྱང་། །ས་བོན་འཕྲོས་པས་འགྲོ་བ་ སྦྱང་།།རྡོ་རྗེ་བཟླས་པ་བརྩམ་པར་བྱ། །ཡིད་གསལ་བ་ནི་མཆོག་ཏུ་གཅེས། །ོཾ་བཛྲ་རཱ་ག་ར་ཏི་ཧཱུཾ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། མ་ནིང་རྡོ་རྗེ་བཟླས་ནས་ཀྱང་། །སྙིང་པོ་ཅན་དངོས་བསྒོམ་པར་བྱ། །འདོད་ཆགས་ཆེན་པོ་སྦྱོར་བ་བཟློག་པའི་ཕྱིར། །བདེ་བ་སེམས་དྲན་སྒྲུབ་ཐབས་འདི་བརྩམས་ ་པས།